អតីតតារាសម្ដែងស្រីល្បីឈ្មោះខ្លាំងនៅទស្សវត្ស៨០ និង៩០ កែវ កល្យាណ បានបង្ហាញរូបថតកូនស្រីបង្កើតដែលបច្ចុប្បន្ននាងកំពុងដើរតាមវិថីសិល្បៈដូចម្ដាយដែរនោះ ទទួលបានការចាប់អារម្មណ៍យ៉ាងខ្លាំងពីមហាជន។ ក្នុងនោះគេឃើញតារាសម្ដែង សាវិន ហ្វីលីប បានកោតសរសើរនូវសម្រស់ម្ដាយ និងកូនស្រីឈ្មោះ កែវ ឡាវីញ។
តាមរយៈគណនីហ្វេសប៊ុកផ្ទាល់ខ្លួន អ្នកនាង កែវ កល្យាណ បានប្រកាសដំណឹងថា ខ្សែភាពយន្ដភាគរឿង “ម្ចាស់កីតម្បាញ” បានចាក់បញ្ចាំងចប់ហើយនៅលើកញ្ចក់ទូរទស្សន៍ហង្សមាស នៅឡើយតែខ្សែភាពយន្ដភាគ រឿង”អប្សរាមហាអង្គរ” ដឹកនាំសម្ដែងដោយលោក ហ្វៃ សំអាង នឹងត្រូវចាក់បញ្ចាំងបន្ដ។ ភ្ជាប់ជាមួយដំណឹងនេះ រូបថតដ៏ស្រស់ស្អាតរបស់កូនស្រីដែលទទួលបានឱកាសសម្ដែងនៅក្នុងរឿងទាំងពីរនេះ ក៏ត្រូវបានបង្ហាញ។
ក្រោយពីបង្ហោះសារភ្ជាប់ជាមួយរូបថតកូនស្រីនៅថ្ងៃទី២៦ ខែកក្កដា ឆ្នាំ២០២៣ នេះ សម្រាប់តែតារាសម្ដែងជើងចាស់ សាវិន ហ្វីលីប ពោលកោតសរសើរថា៖ “ស្អាតដូចម្ដាយ”។ ភ្លាមៗ កែវ កល្យាណ ក៏បានឆ្លើយតបវិញថា៖ “អគុណបង…បញ្ជោរប្អូន”៕
