ចំពេលមានទស្សនវិស័យដ៏រស់រវើកលើទំនាក់ទំនងសេដ្ឋកិច្ចទ្វេភាគី មន្ត្រីមកពីសមាគមប្រជាជាតិអាស៊ីអាគ្នេយ៍មួយចំនួន រំពឹងថានឹងឃើញការធ្វើសមាហរណកម្មកាន់តែច្រើនរវាងប្លុកអាស៊ាន និងប្រទេសចិន។
តម្លៃនៃពាណិជ្ជកម្ម សរុបរវាងអាស៊ាន និងចិនសម្រាប់ឆ្នាំ 2022 មានចំនួន 722 ពាន់លានដុល្លារ។ “ខ្ញុំយល់ថាតាមពិត មានសក្តានុពលសម្រាប់កំណើនបន្ថែមទៀត ហើយពាណិជ្ជកម្មរវាងចិន និងអាស៊ាននឹងកើនឡើង 438 ពាន់លានដុល្លារផ្សេងទៀត” ។ នេះបើតាមការឱ្យដឹងពីលោក លោក Ling រដ្ឋមន្ត្រីក្រសួងពាណិជ្ជកម្ម និងឧស្សាហកម្ម របស់សិង្ហបុរី។ ប្រភពខាងលើបានបន្តថា “អាស៊ាន និងចិន អាចប្រកាន់យកនូវគោលការណ៍សំខាន់ៗទាំងអស់នេះ ពិតជាគំរូល្អ និងភ្លឺស្វាងដល់វិស័យផ្សេងទៀតក្នុងពិភពលោក” ។
ក្រោមប្រធានបទ “ធ្វើការរួមគ្នាដើម្បីប្រទេស ប្រកបដោយសុខដុមរមនា និងអនាគតរួមគ្នា” ពិព័រណ៍ចិន-អាស៊ាន ឆ្នាំ 2023នេះ បានធ្វើជាសាក្សីក្នុងការចុះហត្ថលេខាលើគម្រោងកិច្ចសហប្រតិបត្តិការវិនិយោគចំនួន 470 ដែលមានទុនវិនិយោគសរុបចំនួន 487.3 ពាន់លានយ័ន (66.8 ពាន់លានដុល្លារអាមេរិក)។ នេះបើយោងតាមទិន្នន័យចុះផ្សាយដោយទីភ្នាក់ងារសារព័ត៌មាន ស៊ីនហួរ។
គំនិតផ្តួចផ្តើមថ្មីមួយចំនួនត្រូវបានចាប់ផ្តើមក្នុងអំឡុងពេល CAEXPO និងព្រឹត្តិការណ៍ពាក់ព័ន្ធ រួមទាំងការបង្ហាញពីមជ្ឈមណ្ឌលផ្លាស់ប្តូរព័ត៌មានរដ្ឋអាជ្ញាចិន-អាស៊ាន វេទិកាជួញដូរទំនិញ និងសន្ទស្សន៍តម្លៃរ៉ែ Manganese របស់ប្រទេសចិន។
ឆ្នាំ 2023នេះ គឺជាខួបលើកទី 10 នៃសំណើរបស់ប្រធានាធិបតីចិន Xi Jinping ក្នុងការកសាងសហគមន៍ចិន-អាស៊ាន ឱ្យកាន់តែជិតស្និទ្ធជាមួយនឹងអនាគតរួមគ្នា និងគំនិតផ្តួចផ្តើមខ្សែក្រវ៉ាត់ និងផ្លូវ៕
