ក្រុមហ៊ុន HMD Global ដែលជាក្រុមហ៊ុនផលិតទូរស័ព្ទ និងជាអ្នកធ្វើទីផ្សារនៅពីក្រោយម៉ាកទូរស័ព្ទ Nokia បានដាក់លក់ស្មាតហ្វូនដំបូងបំផុតរបស់ខ្លួនដែលផលិតនៅអឺរ៉ុប។ ដំណឹងនេះកើតឡើងប្រហែលប្រាំមួយខែបន្ទាប់ពីក្រុមហ៊ុនហ្វាំងឡង់នេះ បានបង្ហាញជាលើកដំបូងថាខ្លួនកំពុងផ្លាស់ប្តូរការផលិត ទៅអឺរ៉ុបដើម្បីបំពេញតម្រូវការដែលកំពុងកើនឡើងពីសហគ្រាសសម្រាប់ផ្នែក hardware ដែលផលិតក្នុងស្រុកដើម្បីដោះស្រាយបញ្ហាសុវត្ថិភាព និងនិរន្តរភាព។
ក្រុមហ៊ុន HMD Global មិនបានបង្ហាញពីកន្លែងដែលខ្លួន នឹងផលិតទូរស័ព្ទនៅក្នុងទ្វីបអឺរ៉ុបនោះទេ ដោយក្រុមហ៊ុនបានប្រាប់ TechCrunch ថា ខ្លួនកំពុងរក្សាកន្លែងផលិតនេះ ដោយសារតែការព្រួយបារម្ភអំពីសុវត្ថិភាព។ លោក Lars Silberbauer ប្រធានផ្នែកទីផ្សាររបស់ក្រុមហ៊ុន HMD Global បាននិយាយថា “ជាអកុសល ដោយសារតែអតិថិជនរបស់យើងស្ថិតនៅក្នុងឧស្សាហកម្មដែលគិតពីសុវត្ថិភាពផ្សេងៗ យើងមិនត្រូវបានអនុញ្ញាតឱ្យប្រាប់នរណាម្នាក់ថាយើងកំពុងផលិតឧបករណ៍ទាំងនេះនៅប្រទេសណានោះទេ ដោយរក្សា ទីតាំងរបស់យើងឱ្យមានសុវត្ថិភាពតាមដែលអាចធ្វើទៅបាន”។
ទោះជាយ៉ាងណាក៏ដោយ ឥឡូវនេះក្រុមហ៊ុនហាក់បីដូចជាមានគំនិតផ្សេង លើរឿងនោះ ហើយ បានបញ្ជាក់ថាយ៉ាងហោចណាស់ទីតាំងផលិតមួយគឺនៅក្នុងប្រទេសហុងគ្រី។ អ្នកនាំពាក្យបានប្រាប់ TechCrunch ថាខ្លួននៅតែមិនអាចបង្ហាញថាតើកន្លែងផលិតនៅប្រទេសហុងគ្រីនៅទីណានោះទេ។ ស្មាតហ្វូនដំបូងគេដែលចេញនោះ គឺ 5G Nokia XR21 ហើយក្រុមហ៊ុន HMD Global អាចផ្តល់ជូនអតិថិជន នូវ “កម្រិតនៃការធានាសុវត្ថិភាពខ្ពស់តាមរយៈកម្មវិធី និងមុខងារសុវត្ថិភាពផ្ទាល់ខ្លួន” ។ បន្ថែមថាពួកគេកំពុងធ្វើការជាមួយដៃគូសន្តិសុខបច្ចេកវិទ្យា បន្ថែមមួយចំនួន។
តាមរយៈការសង្ខេបខ្លីៗ ក្រុមហ៊ុន HMD Global បាន ទិញឈ្មោះ Nokia ពីក្រុមហ៊ុន Microsoft កាលពីមួយទស្សវត្សមុន។ ទីបំផុតក្រុមហ៊ុន Microsoft បានបញ្ឈប់អាជីវកម្ម Nokia ទាំងមូល ដោយ HMD Global ដែលទើបបង្កើតថ្មីបានចាប់យកម៉ាកយីហោ Nokia នេះដើម្បីផលិតបន្ត ក្នុងឆ្នាំ 2016។ នៅក្នុងឆ្នាំអន្តរកាលនេះ ក្រុមហ៊ុន HMD Global បានផ្តោតជាសំខាន់លើទូរស័ព្ទដែលមានមុខងារទូទៅ និងស្មាតហ្វូនកម្រិតថវិកា ប៉ុន្តែតម្លៃយីហោរបស់ Nokia បានជួយឱ្យក្រុមហ៊ុន រកប្រាក់បាន 330 លានដុល្លារពី Google, Qualcomm និង Nokia ផ្ទាល់។ ប៉ុន្តែកាលពីខែមុន ក្រុមហ៊ុន HMD Global បានបញ្ជាក់អំពីផែនការនាំយកស្មាតហ្វូន ម៉ាកយីហោផ្ទាល់ខ្លួន ទៅកាន់ទីផ្សារផងដែរ ដែលនឹងអង្គុយរួមជាមួយនឹងទូរស័ព្ទម៉ាក Nokia របស់ខ្លួន ទោះបីជាវាមិនទាន់បានបង្ហាញពីភាពជាក់លាក់ណាមួយជុំវិញគម្រោងទាំងនេះក៏ដោយ៕
