វរសេនីយ៍ទោ កងទ័ពអ៊ីស្រាអែល IDF បាននិយាយថា “អ្នកប្រយុទ្ធ Hezbollah បានបាញ់កាំជ្រួចប្រឆាំងរថក្រោះ ឆ្ពោះទៅកាន់កងទ័ពអ៊ីស្រាអែល និងមានការប្រយុទ្ធគ្នារយៈពេលខ្លី ហើយស្ថានការណ៍បានស្ងប់ស្ងាត់នៅទីបំផុត” ។ “បន្ទាប់មក Hezbollah បានបញ្ជូនយន្តហោះគ្មានមនុស្សបើកចូលក្នុងប្រទេសអ៊ីស្រាអែល ហើយក៏បានបាញ់មីស៊ីលពីដីទៅអាកាសប្រឆាំងនឹងយន្តហោះអ៊ីស្រាអែល”។ លោក និយាយថា ការប៉ុនប៉ងទាំងពីរនេះត្រូវបានស្ទាក់ចាប់បានដោយជោគជ័យ ប៉ុន្តែស្ថានភាពនៅព្រំដែនភាគខាងជើង «នៅតែមានភាពតានតឹងខ្លាំង»។
អ្នកនាំពាក្យកងកម្លាំងការពារអ៊ីស្រាអែលនិយាយថាមានរឿងដែលលោកចង់ “បញ្ជាក់និងបញ្ជាក់និងបញ្ជាក់ឱ្យបានច្បាស់” ។Conricus និយាយថា “ជនស៊ីវិលប៉ាឡេស្ទីននៅ Gaza មិនមែនជាសត្រូវរបស់យើងទេ ហើយយើងមិនកំណត់គោលដៅពួកគេបែបនេះទេ។ យើងកំពុងព្យាយាមធ្វើរឿងត្រឹមត្រូវ យើងកំពុងព្យាយាមជម្លៀសជនស៊ីវិល ដើម្បីកាត់បន្ថយហានិភ័យសម្រាប់ពួកគេ”។
ប្រភពខាងលើបន្តនិយាយថា “វាជារឿងសោកសៅ និងសោកស្ដាយជាខ្លាំង ដែលប្រព័ន្ធផ្សព្វផ្សាយជាច្រើនកំពុងផ្តោតលើសកម្មភាពរបស់យើង ជាជាងដាក់ការទទួលខុសត្រូវលើអង្គភាពដែលគ្រប់គ្រងតំបន់ហ្គាហ្សា ហើយនោះគឺជាក្រុមហាម៉ាស។ ទាំងអស់នេះជាសកម្មភាពរបស់ក្រុមហាម៉ាស យើងកំពុងឆ្លើយតបនឹងស្ថានភាព។ យើងកំពុងព្យាយាមមិនប៉ះពាល់លើជនស៊ីវិល ឬហេដ្ឋារចនាសម្ព័ន្ធរបស់ពួកគេ”។
យោងតាមអាជ្ញាធរប៉ាឡេស្ទីន មនុស្សជិត 2,000 នាក់ត្រូវបានសម្លាប់នៅក្នុងយុទ្ធនាការទម្លាក់គ្រាប់បែករបស់អ៊ីស្រាអែលនៅតំបន់ហ្គាហ្សាស្ទ្រីប ចាប់តាំងពីការវាយប្រហាររបស់ពួកហាម៉ាសកាលពីមួយសប្តាហ៍មុន។
