ក្រុមហ៊ុនទូរគមនាគមន៍យក្សរបស់ហ្វាំងឡង់ Nokia នឹងកាត់បន្ថយការងារចន្លោះពី 9,000 ទៅ 14,000 នៅចុងឆ្នាំ 2026 ដើម្បីកាត់បន្ថយការចំណាយ។ ការប្រកាសនេះត្រូវបានធ្វើឡើងខណៈដែលក្រុមហ៊ុនបានរាយការណ៍ពីការធ្លាក់ចុះការលក់ 20ភាគរយ នៅចន្លោះខែកក្កដា ដល់ខែកញ្ញា។ ក្រុមហ៊ុនបានស្តីបន្ទោសការធ្លាក់ចុះនៃតម្រូវការឧបករណ៍ 5G នៅក្នុងទីផ្សារដូចជាអាមេរិកខាងជើង។
ក្រុមហ៊ុន Nokia បច្ចុប្បន្ននេះ មានបុគ្គលិកចំនួន 86,000 នាក់នៅជុំវិញពិភពលោក ហើយបានកាត់បន្ថយការងាររាប់ពាន់នាក់ចាប់តាំងពីឆ្នាំ 2015 ។ ក្រុមហ៊ុននេះ ចង់កាត់បន្ថយការចំណាយចន្លោះពី 800 លានអឺរ៉ូ ទៅ 1.2 ពាន់លានអឺរ៉ូ ត្រឹមឆ្នាំ 2026។ Nokia បាននិយាយថា អតិថិជនរបស់ខ្លួនបាននឹងកំពុងកាត់បន្ថយការចំណាយ ចំពេលមានអតិផរណា និងអត្រាការប្រាក់ខ្ពស់។ ភាពជឿនលឿនក្នុង cloud computing និង AI នឹងត្រូវការ “ការវិនិយោគសំខាន់ៗនៅក្នុងបណ្តាញដែលមានសមត្ថភាពប្រសើរឡើងយ៉ាងខ្លាំង” លោក Pekka Lundmark នាយកប្រតិបត្តិ Nokia បាននិយាយយ៉ាងដូច្នោះ។ លោក បានបន្តថា “ទោះជាយ៉ាងណាដោយមានពេលវេលាមិនប្រាកដប្រជានៃការស្ទុះងើបទីផ្សារនោះឥឡូវនេះយើងកំពុងចាត់វិធានការយ៉ាងម៉ឺងម៉ាត់”។
Nokia បាននិយាយថាខ្លួនចង់ “ធ្វើសកម្មភាពយ៉ាងឆាប់រហ័ស” ដោយកាត់បន្ថយការចំណាយចំនួន 400 លានអឺរ៉ូក្នុងឆ្នាំ 2024 និង 300 លានអឺរ៉ូនៅឆ្នាំ 2025 ។ លោក Lundmark បានបន្ថែមថា បើទោះបីជា “ភាពមិនប្រាកដប្រជាជាបន្ត” ក្រុមហ៊ុន Nokia រំពឹងថានឹង “មានភាពប្រសើរឡើងនៅក្នុងអាជីវកម្មបណ្តាញរបស់យើង” នៅក្នុងត្រីមាសបច្ចុប្បន្ន។ ក្រុមហ៊ុនបានបដិសេធមិននិយាយថាតើការកាត់បន្ថយការងារនឹងធ្លាក់ដល់ណា ឬថាតើបុគ្គលិករបស់ចក្រភពអង់គ្លេសនឹងរងផលប៉ះពាល់ឬអត់។
Nokia បាននិយាយថាការកាត់បន្ថយនេះគឺជា “ការសម្រេចចិត្តអាជីវកម្មដ៏លំបាក” ប៉ុន្តែជា “ជំហានចាំបាច់មួយដើម្បីកែតម្រូវភាពមិនច្បាស់លាស់នៃទីផ្សារ និងការពារប្រាក់ចំណេញ និងការប្រកួតប្រជែងរយៈពេលវែងរបស់យើង”។ អ្នកនាំពាក្យម្នាក់បាននិយាយថា៖ “យើងមានអ្នកមានទេពកោសល្យយ៉ាងសម្បើមនៅ Nokia ហើយយើងនឹងគាំទ្រអ្នករាល់គ្នាដែលរងផលប៉ះពាល់ដោយដំណើរការនេះ”។ “ឥឡូវនេះយើងកំពុងចាប់ផ្តើមដំណើរការពិគ្រោះយោបល់លើការកាត់បន្ថយដំបូង”។
ពេលវេលា និងព័ត៌មានលម្អិតនៃការកាត់បន្ថយការងារចុងក្រោយ របស់ Nokia នឹងត្រូវបានសម្រេច តែបន្ទាប់ពីការពិចារណាយ៉ាងយកចិត្តទុកដាក់ ហើយនឹងអាស្រ័យលើការវិវត្តនៃតម្រូវការទីផ្សារចុងក្រោយនេះ៕[
