ក្រុមហ៊ុន Foxconn របស់តៃវ៉ាន់និយាយថា ខ្លួនគ្រោងនឹងសាងសង់រោងចក្រទិន្នន័យ AI (Artificial Intelligence) ជាមួយនឹងបច្ចេកវិទ្យាពីក្រុមហ៊ុនយក្សរបស់អាមេរិក Nvidia ខណៈដែលក្រុមហ៊ុនផលិតគ្រឿងអេឡិចត្រូនិកមួយនេះ បង្កើនកិច្ចខិតខំប្រឹងប្រែងដើម្បីក្លាយជាអ្នកនាំមុខគេ នៅលើពិភពលោកដ៏សំខាន់នៅក្នុងការផលិតរថយន្តអគ្គិសនី។
ប្រធានក្រុមហ៊ុន Foxconn លោក Young Liu និងនាយកប្រតិបត្តិ Nvidia លោក Jensen Huang បានប្រកាសរួមគ្នាអំពីផែនការការរួមសហការគ្នានេះ នៅទីក្រុងតៃប៉ិ។ អ្នកទាំងពីរបាននិយាយថា គ្រឿងបរិក្ខារថ្មីដែលប្រើប្រាស់បន្ទះឈីប និងសូហ្វវែររបស់ Nvidia នឹងជួយឱ្យ Foxconn ប្រើប្រាស់ AI កាន់តែប្រសើរឡើងនៅក្នុងរថយន្តអគ្គិសនី (EV) របស់ខ្លួន។ លោក Huang បាននិយាយថា “យើងកំពុងចាប់ផ្តើមបដិវត្តន៍កុំព្យូទ័រថ្មីមួយ” ។ “នេះជាការចាប់ផ្តើមនៃវិធីថ្មីមួយនៃការធ្វើកម្មវិធី ដោយប្រើកុំព្យូទ័រដើម្បីសរសេរកម្មវិធីដែលគ្មានមនុស្សអាចធ្វើបាន”។
ពួកគេបាននិយាយថា ប្រព័ន្ធកុំព្យូទ័រធំដែលដំណើរការដោយបន្ទះឈីបកម្រិតខ្ពស់នឹងអាចបង្កើតកម្មវិធីសម្រាប់រថយន្តអគ្គិសនី EVs ជំនាន់ក្រោយ ។ ត្រូវបានគេស្គាល់ថាជាអ្នកតម្លើង iPhone របស់ Apple Foxconn ស្រមៃមើលគំរូអាជីវកម្មស្រដៀងគ្នាសម្រាប់រថយន្តអគ្គិសនី EVs៕
