ស្ថាបនិកក្រុមហ៊ុន Amazon លោក Jeff Bezos គ្រោងនឹងលក់ភាគហ៊ុនចំនួន 50 លានភាគហ៊ុននៃភាគហ៊ុនសរុបរបស់ក្រុមហ៊ុន Amazon ក្នុងឆ្នាំបន្ទាប់។ នេះបើយោងតាមឯកសារបទប្បញ្ញត្តិដែលបានបង្ហោះកាលពីថ្ងៃសុក្រ កន្លងទៅថ្មីៗនេះ។
ភាគហ៊ុនទាំងនោះនឹងមានតម្លៃជិត 8.6 ពាន់លានដុល្លារក្នុងតម្លៃភាគហ៊ុនបច្ចុប្បន្ន។ ការលក់ភាគហ៊ុនដែលបានគ្រោងទុករបស់ Bezos ត្រូវបានរួមបញ្ចូលនៅក្នុងរបាយការណ៍ប្រចាំឆ្នាំរបស់ក្រុមហ៊ុន Amazon ដែលបានចេញផ្សាយកាលពីថ្ងៃសុក្រ ដោយសារតែច្បាប់នៃគណៈកម្មការមូលបត្រដែលទាមទារឱ្យមានការលាតត្រដាងបែបនេះ។
Bezos អាយុ 60 ឆ្នាំបានលាលែងពីតំណែងជានាយកប្រតិបត្តិនៃក្រុមហ៊ុនដែល Amazon ដែលលោកបានបង្កើតឡើងក្នុងឆ្នាំ 2021 ប៉ុន្តែលោកនៅតែធ្វើជាប្រធានក្រុមប្រឹក្សាភិបាលនៅ Amazon ។ ចាប់តាំងពីបោះជំហានចេញពីភារកិច្ចប្រចាំថ្ងៃ លោក Bezos ក្នុងតួនាទីជាអ្នកដឹកនាំពាណិជ្ជកម្មតាមប្រព័ន្ធអេឡិចត្រូនិក លោកបានដាក់ចំណាយពេលច្រើន សម្រាប់ទំនាក់ទំនងជាមួយគូដណ្តឹង Lauren Sanchez និងមហិច្ឆិតាក្នុងវិស័យអវកាសតាមរយៈក្រុមហ៊ុនឯកជន Blue Origin របស់លោក។
របាយការណ៍ប្រចាំឆ្នាំបាននិយាយថា Bezos បានអនុម័តផែនការជួញដូរដើម្បីលក់ភាគហ៊ុន Amazon រហូតដល់ 50 លានហ៊ុនក្នុងរយៈពេលដែលបញ្ចប់នៅថ្ងៃទី 31 ខែមករា ឆ្នាំ 2025 ដោយស្ថិតនៅក្រោមលក្ខខណ្ឌមួយចំនួន៕
