One UI 6.1 នឹងមកដល់ឆាប់ៗនេះហើយ សម្រាប់ទូរស័ព្ទ Galaxy ថ្មីៗ រួមមាន ទូរស័ព្ទអេក្រង់បត់ និងថេប្លេត។ ឥឡូវនេះ អ្នកត្រូវការទូរស័ព្ទ Galaxy S24 ដើម្បីប្រើមុខងារ AI ចុងក្រោយបំផុតពី Samsung។ នៅចុងខែមីនា ក្រុមហ៊ុន Samsung នឹងពង្រីកមុខងាររបស់ Galaxy AI ទៅកាន់ស៊េរី S23 រួមទាំង S23 FE ក៏ដូចជាទូរស័ព្ទអេក្រង់បត់ និងថេប្លេតថ្មីៗនេះ ដែលជាផ្នែកមួយនៃការអាប់ដេត One UI 6.1។
ការធ្វើបច្ចុប្បន្នភាពរបស់ Samsung គឺឥតគិតថ្លៃទាំងអស់សម្រាប់ពេលនេះ ប៉ុន្តែបន្ទាប់ពីឆ្នាំ 2025 អ្នកប្រើប្រាស់ប្រហែលជាត្រូវបង់ប្រាក់។ Galaxy Z Fold 5 និង Z Flip 5 គ្រោងនឹងទទួលការអាប់ដេត ក៏ដូចជា Galaxy Tab S9, S9 Plus និង S9 Ultra ។ ប្រសិនបើ Samsung ចង់បញ្ជូនមុខងារ Galaxy AI ទៅកាន់ទូរស័ព្ទ 100 លានគ្រឿងនៅឆ្នាំនេះ ដូចដែលក្រុមហ៊ុននេះបាននិយាយថា វាជាការចាប់ផ្តើមដ៏រឹងមាំមួយ។
ការអាប់ដេត One UI 6.1 នឹងរួមបញ្ចូលមុខងារ AI ដែលត្រូវបានគេសរសើរច្រើននៅលើស៊េរី S24 រួមទាំងសមត្ថភាពបកប្រែផ្ទាល់ ការកែរូបថត និងវីដេអូ និងមុខងារ Circle to Search របស់ Google ។ One UI 6.1 ក៏នឹងរួមបញ្ចូលការអាប់ដេតដែលមិនមែនជា AI ដ៏មានប្រយោជន៍មួយចំនួនផងដែរ ដូចជាមុខងារចាក់សោអេក្រង់ lockscreen widgets និងការចែករំលែករហ័ស Quick Share ។ គួរឱ្យដឹងថា ប្រសិនបើអ្នកចង់តម្លើង Version ឡើងទៅកាន់ One UI 6.1 ប៉ុន្តែចង់ជៀសវាងមុខងារ AI អ្នកអាចបិទវាបានជានិច្ច៕
