រដ្ឋមន្ត្រីសុខាភិបាលថៃ បានប្រាប់រ៉យទ័រ ក្នុងបទសម្ភាសន៍មួយថាប្រទេសថៃ នឹងហាមឃាត់ការប្រើប្រាស់កញ្ឆានៅចុងឆ្នាំ 2024 ប៉ុន្តែនៅតែបន្តអនុញ្ញាតឱ្យប្រើប្រាស់សម្រាប់គោលបំណងវេជ្ជសាស្រ្ត។
ប្រទេសថៃបានក្លាយជាប្រទេសដំបូងគេនៅអាស៊ីអាគ្នេយ៍ដែលបានអនុញាតឱ្យមានការប្រើប្រាស់ថ្នាំកញ្ឆា ដែលដំបូងឡើយសម្រាប់ការប្រើប្រាស់ជាឱសថក្នុងឆ្នាំ 2018 បន្ទាប់មកសម្រាប់ការប្រើប្រាស់កម្សាន្តនៅឆ្នាំ 2022។ ការផ្លាស់ប្តូរនេះបានបង្កើតឧស្សាហកម្មមួយដែលត្រូវបានគេព្យាករណ៍ថានឹងមានតម្លៃរហូតដល់ 1.2 ពាន់លានដុល្លារអាមេរិក នៅឆ្នាំ 2025 ខណៈដែលហាងកញ្ឆារាប់ម៉ឺនបានផ្ទុះឡើងរួមជាមួយ ដែលមានលក់នៅតាមហាងស្ប៉ា ភោជនីយដ្ឋាន និងពិធីបុណ្យ Festival នានា។ ក្រុមអ្នករិះគន់និយាយថា ច្បាប់មួយចំនួនត្រូវបានប្រញាប់ប្រញាល់ចេញ និងអនុម័តក្នុងរយៈពេលមួយដ៏ខ្លី។
រដ្ឋមន្ត្រីក្រសួងសុខាភិបាលថៃ លោក Cholnan Srikaew បាននិយាយ សំដៅលើការប្រើប្រាស់កញ្ឆាក្នុងលក្ខណៈកម្សាន្ត ថា “បើគ្មានច្បាប់គ្រប់គ្រងកញ្ឆាទេ វានឹងត្រូវប្រើប្រាស់ខុស។ ការប្រើប្រាស់កញ្ឆាខុសមានផលប៉ះពាល់អវិជ្ជមានដល់កុមារថៃ”៕
