បញ្ជី “ម៉ាករថយន្តដែលមានតម្លៃបំផុតទាំង 100 ប្រចាំឆ្នាំ 2024” ត្រូវបានបង្ហាញដោយទីភ្នាក់ងារវាយតម្លៃម៉ាកយីហោអង់គ្លេស Brand Finance នៅក្នុងខែ មីនា ឆ្នាំ2024 នេះ។
ម៉ាករថយន្តចិនចំនួន 22 បានចូលក្នុងបញ្ជី។ BYD ជាប់ចំណាត់ថ្នាក់ទី 11 នៅទូទាំងពិភពលោកកើនឡើង 9 លេខចាប់ពីឆ្នាំ 2022 ។ ហើយ Changan Auto ជាប់ចំណាត់ថ្នាក់ទី 44 កើនឡើង 20 លេខចាប់ពីឆ្នាំ 2022ដូចគ្នា។ នេះឆ្លុះបញ្ចាំងអោយឃើញថា ឧស្សាហកម្មរថយន្តរបស់ប្រទេសចិនកំពុងឈានចូលដល់យុគសម័យថ្មី។
បន្ទាប់ពីវ៉ាដាច់ប្រទេសជប៉ុនជាអ្នកនាំចេញដ៏ធំបំផុតរបស់ពិភពលោកក្នុងឧស្សាហកម្មរថយន្តក្នុងឆ្នាំ 2023 ឧស្សាហកម្មនេះបានរីកចម្រើនយ៉ាងឆាប់រហ័សក្នុងប៉ុន្មានឆ្នាំថ្មីៗនេះ ដែលគាំទ្រដោយការចាប់អារម្មណ៍ជាសកលយ៉ាងខ្លាំងចំពោះរថយន្តអគ្គិសនី ដែលជំរុញឱ្យមានការនាំចេញបន្ថែមទៀត។ ក្នុងនាមជាម៉ាករថយន្តកំពូលពីប្រទេសចិន BYD (ម៉ាកយីហោដែលមានតម្លៃកើនឡើង 20 ភាគរយពីមួយឆ្នាំទៅមួយឆ្នាំដល់ 12.1 ពាន់លានដុល្លារ) បានវ៉ាដាច់ក្រុមហ៊ុន Tesla នៅក្នុងការផលិតរថយន្តអគ្គិសនីនៅក្នុងត្រីមាសទី 4 ឆ្នាំ 2023 ៕
