ដំបូងឡើយ យើងបានឮពាក្យចចាមអារ៉ាមអំពីផែនការរបស់ Apple ក្នុងការបន្ថែមកាមេរ៉ាពង្រីកទំហំ 48MP ទៅក្នុងស៊េរី iPhone 17 Pro ដែលដំណឹងនេះបានលេចធ្លាយនៅក្នុង ឆ្នាំ 2023 ហើយទោះបីជា iPhone 16 Pro គឺជាអ្វីដែលយើងគួរនិយាយនៅពេលនេះក៏ដោយ។
ទោះបីជាយ៉ាងណាក៏ដោយ ទោះបីជាគ្មានការលេចធ្លាយ ឫ ពាក្យចចាមអារ៉ាមក៏ដោយ យើងអាចប្រាប់អ្នកថា ប្រព័ន្ធកាមេរ៉ា 3 គ្រាប់ 48MP តែងតែស្ថិតនៅក្នុងផែនការសម្រាប់ម៉ូដែល iPhone លំដាប់ខ្ពស់ និយាយអោយងាយស្តាប់ គឺកាមេរ៉ាក្រោយ 3 គ្រាប់ ដែលមានទំហំ 48-48-48MP។
ឥឡូវនេះចំពោះសំណួរថាហេតុអ្វីបានជាយើងមិនបានឃើញប្រព័ន្ធកាមេរ៉ាដែលកម្រិតខ្ពស់នេះពីក្រុមហ៊ុន Apple នៅឡើយទេ ដូចដែលវាកើតឡើងជាញឹកញាប់ ចម្លើយគឺ “ដោយសារតែក្រុមហ៊ុន Apple មានលទ្ធភាពក្នុងការរង់ចាំ” ។
• iPhone 15 Pro មានកាមេរ៉ាចម្បង 48MP រួចហើយ
• iPhone 16 Pro ត្រូវបានគេរាយការណ៍ថាទទួលបានកាមេរ៉ា ultra-wide-angle 48MP ថ្មី។
• ដូច្នេះ ជំហានបន្ទាប់ តែមួយគត់សម្រាប់ iPhone 17 Pro គឺត្រូវបន្ថែម កាមេរ៉ាទំហំ 48MP ថ្មីរបស់ Apple ជាមួយនឹងឧបករណ៍ពង្រីក periscope 48MP ផ្សេងទៀត៕
