សិង្ហបុរីបានឃើញការកើនឡើងនៃបុគ្គលចំនួន 3,400 នាក់ដែលមានទ្រព្យសម្បត្តិជាង 1 លានដុល្លារកាលពីឆ្នាំមុន ដែលធ្វើឱ្យដែនដីគុជរបស់អាស៊ីនេះ ក្លាយជាទីក្រុងដែលមានទ្រព្យសម្បត្តិច្រើនជាងគេទី 4 នៅលើពិភពលោក។
The Straits Times បានរាយការណ៍ថា ឥឡូវនេះរដ្ឋសិង្ហបុរីមាន សេដ្ឋីចំនួន 244,800 នាក់ សេដ្ឋីកម្រិតមធ្យមចំនួន 336 នាក់ និងកំពូលមហាសេដ្ឋីចំនួន 30 នាក់។ នេះបើយោងតាមការរាយការណ៍របស់ The Straits Times ដោយដកស្រង់សម្តីអ្នកប្រឹក្សាផ្នែកចំណាកស្រុកវិនិយោគ Henley & Partners ‘ 2024 Wealthiest Cities Report ។
របាយការណ៍បានកត់សម្គាល់ថា ប្រទេសសិង្ហបុរីបានមើលឃើញចំនួនមហាសេដ្ឋីរបស់ខ្លួនកើនឡើង 64% ពីឆ្នាំ 2013 ដល់ឆ្នាំ 2023។ ទីក្រុងតូក្យូរបស់ប្រទេសជប៉ុនជាប់ចំណាត់ថ្នាក់លេខ 3 ជាមួយនឹងមហាសេដ្ឋីចំនួន 298,300 នាក់ ធ្លាក់ចុះ 5% ក្នុងរយៈពេលមួយទសវត្សរ៍កន្លងមកនេះ។
នៅឆ្នាំនេះ ទីក្រុងដែលមានជាងគេបំផុតលើពិភពលោក បានធ្លាក់ទៅលើទីក្រុងញូវយ៉ករបស់សហរដ្ឋអាមេរិក ដែលចំនួនប្រជាជនមានទ្រព្យសម្បត្តិសុទ្ធបានកើនឡើង 48% ក្នុងទសវត្សរ៍ចុងក្រោយដល់ 349,500 នាក់ក្នុងឆ្នាំ 2023។ នេះបើយោងតាម CNBC៕
