ក្រុមហ៊ុន Apple បានរាយការណ៍ពីការកើនឡើងនៃការលក់ ជាលើកដំបូងរបស់ខ្លួនក្នុងមួយឆ្នាំកាលពីពេលថ្មីៗនេះ ដោយបានជំរុញជាពិសេសដោយប្រាក់ចំណូលដ៏ធំពី App Store របស់ខ្លួន និងសេវាកម្មផ្សេងទៀត។ ប៉ុន្តែក្រុមហ៊ុនបច្ចេកវិទ្យាយក្សរបស់អាមេរិកមួយនេះ នៅតែជួបការលំបាកនៅក្នុងប្រទេសចិន។
របាយការណ៍ប្រាក់ចំណូលកើតឡើងមួយថ្ងៃមុនពេលក្រុមហ៊ុនចាប់ផ្តើមផលិតផលថ្មីដ៏ធំបំផុតរបស់ខ្លួនក្នុងរយៈពេលប៉ុន្មានឆ្នាំមកនេះ ជាក់ស្តែងដូចជាវ៉ែនតា Vision Pro ដែលក្រុមហ៊ុនសង្ឃឹមថានឹងផលិតគ្រឿងអេឡិចត្រូនិច សម្រាប់ប្រើប្រាស់នៅក្នុងផ្ទះ ជាបន្តបន្ទាប់ទៀត។
សរុបមក Apple បានប្រកាសពីការកើនឡើងនៃប្រាក់ចំណូលលើកដំបូងរបស់ខ្លួនក្នុងមួយឆ្នាំ ប៉ុន្តែប្រទេសចិនគឺជាចំណុចខ្សោយមួយ ដោយប្រាក់ចំណូលក្នុងតំបន់បានធ្លាក់ចុះ 13% ធៀបនឹងឆ្នាំមុន។ ផ្ទុយទៅវិញ ការលក់បានកើនឡើងនៅអឺរ៉ុប និងនៅជប៉ុន។
ក្នុងរយៈពេល 5 ឆ្នាំកន្លងមកនេះ Apple បានចំណាយប្រាក់ប្រមាណ 100 ពាន់លានដុល្លារក្នុងការស្រាវជ្រាវ និងអភិវឌ្ឍន៍លើឧបករណ៍វ៉ែនតា Vision Pro ដែលផលិតផលថ្មីនេះ ដាក់លក់នៅក្នុងតម្លៃ 3,499 ដុល្លារនៅក្នុងសហរដ្ឋអាមេរិក។
នៅក្នុងសេចក្តីថ្លែងការណ៍មួយ នាយកប្រតិបត្តិ Apple លោក Tim Cook បាននិយាយថា កំណើនរបស់ក្រុមហ៊ុនត្រូវបានជំរុញដោយការលក់ iPhone និងកំណត់ត្រាប្រាក់ចំណូល នៅក្នុងផ្នែកសេវាកម្មរបស់ក្រុមហ៊ុនក្នុងរយៈពេលបីខែចុងក្រោយនៃឆ្នាំ 2023៕
