Cillian Murphy បានក្លាយជាតារាសម្តែង ដើមកំណើតអៀរឡង់ដំបូងគេ ដែលបានឈ្នះពានរង្វាន់តារាសម្តែងល្អបំផុត ខណៈដែលភាពយន្ត រឿង Oppenheimer បានឈ្នះពានរង្វាន់អូស្ការ។ ខ្សែភាពយន្ត Oppenheimer បានបន្តឈ្នះជារឿងដែលរូបភាពល្អបំផុត អ្នកដឹកនាំរឿងល្អបំផុត សម្រាប់ Christopher Nolan និងតួសម្តែងល្អបំផុតសម្រាប់ Robert Downey Jr.។
Murphy ត្រូវបានគេដាក់ឈ្មោះជាតារាឈានមុខគេដែលល្អបំផុតសម្រាប់ការដើរតួឯកបង្ហាញអំពី ទ្រឹស្តីរូបវិទ្យា របស់ លោក J Robert Oppenheimer ។ តារាសម្តែង Murphy បាននិយាយថាលោក”សប្បាយចិត្ត” ដែលបានឈ្នះពានរង្វាន់តារាសម្តែងល្អបំផុតរបស់អូស្ការ ដោយបន្ថែមថា “ខ្ញុំជាជនជាតិអៀរឡង់ ហើយមានមោទនភាពណាស់ដែលឈរនៅទីនេះក្នុងយប់នេះ”។ លោក បានថ្លែងអំណរគុណដល់ Nolan និង Producer Emma Thomas សម្រាប់ “ដំណើរដ៏ រំភើបចិត្តបំផុត និងប្រកបដោយភាពច្នៃប្រឌិតបំផុតដែលអ្នកបាននាំខ្ញុំទៅ” ។
Murphy ក៏បានធ្វើការគោរពដល់ “សមាជិកក្រុមនីមួយៗ និងអ្នកដែលបានដឹកនាំលោកឆ្លងកាត់គ្រប់រស់ជាតិនៃខ្សែភាពយន្ត”។ ក្នុងនាមជាតារាសម្តែងល្អបំផុតរបស់ អូស្ការ Murphy បានបញ្ចប់ថា៖ “យើងបានបង្កើតខ្សែភាពយន្តមួយអំពីបុរសដែលបង្កើតគ្រាប់បែកបរមាណូ ហើយល្អឬអាក្រក់ជាងនេះ យើងទាំងអស់គ្នាកំពុងរស់នៅក្នុងពិភពលោករបស់ Oppenheimer ដូច្នេះខ្ញុំសូមឧទ្ទិសរឿងនេះដល់អ្នកបង្កើតសន្តិភាពគ្រប់ទីកន្លែង”៕
