ឆ្នាំ 2024 គឺជាខួបលើកទី 90 នៃក្រុមហ៊ុន Fujifilm Group ។ ចាប់តាំងពីបង្កើតមក Fujifilm នៅតែប្រកាន់ខ្ជាប់យ៉ាងខ្ជាប់ខ្ជួនក្នុងការចែកចាយផលិតផល និងសេវាកម្មដែលជំរុញដោយបច្ចេកវិជ្ជាទំនើប ដែលទាំងអស់នោះមានគោលបំណងនាំយកស្នាមញញឹមទៅឱ្យមនុស្ស។
ជាមួយនឹងបុគ្គលិករបស់ខ្លួនជាកម្លាំងជំរុញ ក្រុមហ៊ុនខិតខំជំរុញក្រុមឆ្ពោះទៅរកការសម្រេចបាននូវកំណើនប្រកបដោយនិរន្តរភាព និងសម្រេចបាននូវគោលបំណងថ្មីរបស់ខ្លួនគឺ “ផ្តល់ឱ្យពិភពលោករបស់យើងនូវស្នាមញញឹមកាន់តែច្រើន” ។ យោងតាមលោក Haruto Iwata នាយកគ្រប់គ្រងក្រុមហ៊ុន FUJIFILM ប្រចាំតំបន់អាស៊ីប៉ាស៊ីហ្វិក បានឱ្យដឹងថា ការពង្រីកក្រុមហ៊ុនទៅក្នុងវិស័យផ្សេងៗជាច្រើនឆ្នាំមកនេះ ចាំបាច់ត្រូវតែមានការអភិវឌ្ឍន៍នៃគោលបំណងក្រុមតែមួយ។ “ការផ្តល់ឱ្យពិភពលោករបស់យើងនូវស្នាមញញឹមកាន់តែច្រើន” គឺជាខ្សែភ្ជាប់ដែលដំណើរការតាមរយៈអាជីវកម្មចម្រុះទាំងអស់របស់ Fujifilm។ លោក បន្តថា យើងចង់នាំមកនូវភាពរីករាយដល់មនុស្សតាមរយៈតម្លៃដែលយើងផ្តល់ជូនពួកគេ។
ខណៈពេលដែលមនុស្សភាគច្រើនប្រហែលជាស្គាល់ម៉ាក Fujifilm តាមរយៈផលិតផលមាស៊ីនថត ដូចជា INSTAX instant camera series។ អស់ជាច្រើនទស្សវត្សមកហើយ ក្រុមហ៊ុននេះ បានក្លាយជាតួអង្គសំខាន់មួយនៅក្នុងវិស័យផលិតរូបភាព ការច្នៃប្រឌិតអាជីវកម្ម និងអាជីវកម្មសម្ភារៈនៅក្នុងប្រទេសសិង្ហបុរី និងក្នុងតំបន់។ តាមរយៈអាជីវកម្មទាំងនេះ បានស្វែងរកការនាំមកនូវស្នាមញញឹមដល់មនុស្សតាមរបៀបដ៏មានអត្ថន័យ រួមមានតាមរយៈការកែលម្អជីវិត បង្កើនបទពិសោធន៍ និងបង្កើនផលិតភាព៕
