ជាមួយនឹងការរីកចំរើនយ៉ាងឆាប់រហ័សនៃរថយន្តអគ្គិសនីរបស់ប្រទេសចិន ក្រុមហ៊ុន Volkswagen Group របស់អាល្លឺម៉ង់ កំពុងបង្កើនការវិនិយោគរបស់ខ្លួន ក្នុងគោលបំណងពង្រីកវត្តមានរបស់ខ្លួននៅក្នុងទីផ្សារប្រទេសចិន។
យោងតាមក្រុមហ៊ុនផលិតរថយន្តអាឡឺម៉ង់ Volkswagen បានឱ្យដឹងថា រថយន្តអគ្គិសនីជាង 30 ម៉ូដែលនៃម៉ាកទាំងអស់របស់ខ្លួននឹងដាក់លក់នៅក្នុងប្រទេសចិន នៅឆ្នាំ 2030 ។ នៅក្នុងឆ្នាំ 2023 ការផលិត និងការលក់រថយន្តថាមពលថ្មី (NEVs) បានកើនឡើងលើសពី 9.58 លានគ្រឿង និង 9.49 លានគ្រឿងនៅក្នុងប្រទេសចិន កើនឡើង 35.8 ភាគរយ និង 37.9 ភាគរយពីមួយឆ្នាំទៅមួយឆ្នាំ។ នេះបើយោងតាមទិន្នន័យពីសមាគមក្រុមហ៊ុនផលិតរថយន្តចិនបានបង្ហាញ។
ជាងនេះទៅទៀត ការផលិត និងការលក់ NEVs របស់ប្រទេសចិនមានចំនួនច្រើនជាង 60 ភាគរយនៃចំនួនសរុបរបស់ពិភពលោកកាលពីឆ្នាំមុន ដែលជាប់ចំណាត់ថ្នាក់លេខ 1 នៅលើពិភពលោកក្នុងរយៈពេល 9 ឆ្នាំជាប់ៗគ្នា។ ជាមួយនឹងយុទ្ធសាស្រ្ត “នៅក្នុងប្រទេសចិន សម្រាប់ប្រទេសចិន” ក្រុមហ៊ុន Volkswagen បន្តជំរុញការធ្វើមូលដ្ឋានីយកម្ម និងពង្រឹងការ ផលិតផលរបស់ខ្លួនជាមួយនឹងតម្រូវការរបស់អតិថិជនចិន។
នៅក្នុងយុទ្ធសាស្ត្រចុងក្រោយនេះ ក្រុមហ៊ុន Volkswagen កំពុងពង្រីកបន្ថែមទៀតនូវមជ្ឈមណ្ឌលផលិតកម្ម និងការច្នៃប្រឌិតរបស់ខ្លួននៅក្នុងទីក្រុង Hefei នៃខេត្ត Anhui ភាគខាងកើតប្រទេសចិន ជាមួយនឹងការវិនិយោគសរុបចំនួន 2.5 ពាន់លានអឺរ៉ូ (2.67 ពាន់លានដុល្លារ)៕
