ឯកឧត្តម ស៊ូ សុជាតិ បានអញ្ជើញចូលរួមជាគណៈអធិបតី និងផ្ដល់សុន្ទរកថាគន្លឹះស្តីពី “ទីផ្សារមូលបត្រ និងអភិបាលកិច្ចសាជីវកម្ម៖ កត្តាគន្លឹះក្នុងការជំរុញនូវនិរន្តភាពអាជីវកម្ម” នៅក្នុងជំនួបសហគ្រិនវ័យក្មេង លើកទី៣ ស្តីពី “ការត្រៀមខ្លួន ដើម្បីទទួលបានការវិនិយោគ” នៅ វាយោ នរា

រសៀលថ្ងៃសុក្រ ទី១៩ ខែកក្កដា ឆ្នាំ២០២៤ តបតាមការអញ្ជើញរបស់សមាគមសហគ្រិនវ័យក្មេងកម្ពុជា (YEAC) ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (ន.ម.ក.) អមដោយសហការី បានអញ្ជើញចូលរួមជាគណៈអធិបតី និងផ្ដល់សុន្ទរកថាគន្លឹះស្តីពី “ទីផ្សារមូលបត្រ និងអភិបាលកិច្ចសាជីវកម្ម៖ កត្តាគន្លឹះក្នុងការជំរុញនូវនិរន្តភាពអាជីវកម្ម” នៅក្នុងជំនួបសហគ្រិនវ័យក្មេង លើកទី៣ ស្តីពី “ការត្រៀមខ្លួន ដើម្បីទទួលបានការវិនិយោគ” នៅ វាយោ នរា។ នៅក្នុងកម្មវិធីនេះ ឯកឧត្តមប្រតិភូ បានលើកឡើងពីសារៈសំខាន់នៃអភិបាលកិច្ចសាជីវកម្ម, សក្តានុពល និងអត្ថប្រយោជន៍នៃការកៀរគរទុនតាមរយៈទីផ្សារមូលបត្រ ដើម្បីពង្រីក និងលើកកម្ពស់នូវនិរន្តរភាពអាជីវកម្ម ក៏ដូចជាកិច្ចការងារដែល ន.ម.ក. បាននិងកំពុងរៀបចំដើម្បីបំពេញបន្ថែមសម្រាប់ជាជម្រើសរបស់ក្រុមហ៊ុនក្នុងការស្វែងហិរញ្ញប្បទានតាមរយៈឧបករណ៍ហិរញ្ញវត្ថុផ្សេងៗទៀត ដូចជា Crowdfunding និងហិរញ្ញប្បទានពីបុគ្គលទៅបុគ្គល។ នៅក្នុងកម្មវិធីនេះ មានការចូលរួមពីសមាជិកនៃ YEAC។