យោងតាមរបាយការណ៍ថ្មីមួយបានឱ្យដឹងថា ការលក់ iPhone បានធ្លាក់ចុះ 24% ក្នុងរយៈពេលប្រាំមួយសប្តាហ៍ដំបូងនៃឆ្នាំ 2024 ដោយបន្ថែមបញ្ហាសំខាន់ៗសម្រាប់ Apple និងក្រុមហ៊ុនបច្ចេកវិជ្ជាលោកខាងលិចផ្សេងទៀតនៅក្នុងទីផ្សារដ៏សំខាន់ ក្នុងប្រទេសចិន។
អ្នកវិភាគមកពី Counterpoint Research បាននិយាយថា ទីផ្សារទូរស័ព្ទសរុបនៅក្នុងប្រទេសចិនបានធ្លាក់ចុះ 7% ដោយក្រុមហ៊ុននានារួមមាន Apple, Oppo និង Vivo កំពុងជួបប្រទះបញ្ហាធ្លាក់ចុះការលក់។ ប៉ុន្តែបញ្ហារបស់ Apple បានបន្តអស់រយៈពេលមួយឆ្នាំ ដដោយសាមានភាពតានតឹងពាណិជ្ជកម្ម និងជាតិនិយមឡើងកម្តៅ។
Counterpoint បាននិយាយថា អតិថិជនដែលធ្លាប់បានពិចារណាទិញទូរស័ព្ទ ពី Apple ឥឡូវនេះកំពុងងាកទៅរកម៉ាកយីហោជាតិ ជាពិសេសក្រុមហ៊ុន Huawei ។ ប្រទេសចិននៅតែជាទីផ្សារដ៏សំខាន់សម្រាប់ Apple ព្រោះជាទីផ្សារធំជាងគេនៅពីក្រោយសហរដ្ឋអាមេរិក។ ក្រុមហ៊ុន Apple ធ្លាប់ទទួលបានផលចំណេញច្រើនក្នុងអំឡុងពេលនៃការចេញលក់កាលពីឆ្នាំមុន។ ក្រុមហ៊ុននៅតែបន្តផ្តល់ការបញ្ចុះតម្លៃ ដើម្បីជួយសម្រួលដល់ការធ្លាក់ចុះមួយចំនួន៕
