ប្រព័ន្ធផ្សព្វផ្សាយជប៉ុនបាន ចុះផ្សាយ នៅថ្ងៃពុធទី 15 ខែវិច្ឆិកា ឆ្នាំ2023ថា រដ្ឋមន្ត្រីពាណិជ្ជកម្មជប៉ុន និងចិនបានព្រមព្រៀងគ្នាដើម្បីបង្កើតក្របខ័ណ្ឌមួយដើម្បីពិភាក្សាអំពីការគ្រប់គ្រងការនាំចេញ ដែលបង្ហាញពីជំហានលើកិច្ចសហប្រតិបត្តិការសេដ្ឋកិច្ចបន្ទាប់ពីរយៈពេលនៃទំនាក់ទំនងដ៏តានតឹងរវាងប្រទេសជិតខាង។
រដ្ឋមន្ត្រីពាណិជ្ជកម្មជប៉ុន លោក Yasutoshi Nishimura បាននិយាយថា ការចរចាអាចជួយរក្សាស្ថិរភាពទំនាក់ទំនង។ លោក Nishimura ត្រូវបានគេដកស្រង់សម្តីបន្ទាប់ពីការពិភាក្សាជាមួយសមភាគីចិន លោក Wang Wentao នៅក្រៅកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) នៅទីក្រុង San Francisco ថា៖ “យើងនឹងពិភាក្សាយ៉ាងម៉ឺងម៉ាត់ជាមួយមន្ត្រីចិនដើម្បីកសាងទំនាក់ទំនងជប៉ុននិងចិនប្រកបដោយស្ថិរភាព”។
ថ្មីៗនេះ ប្រទេសចិនបានដាក់ការហាមឃាត់លើការនាំចេញវត្ថុធាតុមួយចំនួន រួមទាំងលោហធាតុផលិតបន្ទះ ឈីប ដូចជា ហ្គាលីយ៉ូម ហើយត្រូវបានគេរំពឹងថានឹងរឹតបន្តឹងការនាំចេញក្រាហ្វិច ដែលប្រើក្នុងថ្មនៅក្នុងខែធ្នូ។ សារព័ត៌មាន Yomiuri បានរាយការណ៍ថា កិច្ចពិភាក្សានេះមានគោលបំណងទប់ស្កាត់ការកើនឡើងនៃជម្លោះពាណិជ្ជកម្ម សងសឹកជាមួយប្រទេសចិន៕
