Jennifer Lopez គិតថាមនុស្សស្រី “កាន់តែសិចស៊ីពេលពួកគេមានអាយុកាន់តែច្រើន “។ តារាវ័យ 54 ឆ្នាំរូបនេះជឿជាក់ថាមានការកើនឡើងនៃតម្រូវការតួសម្តែង សម្រាប់ស្ត្រីវ័យចំណាស់នៅក្នុងភាពយន្តហូលីវូដ ហើយ Jennifer ចង់បន្តការងារជាច្រើនឆ្នាំទៅមុខទៀត។
នាងបានប្រាប់ 2023 Women in Hollywood ថា “នៅពេលដែលអ្នកកាន់តែចាស់ ហើយអ្នកមានបទពិសោធន៍កាន់តែច្រើន អ្នកក្លាយជាមនុស្សដែលកាន់តែសម្បូរបែប ហើយអ្នកមានអ្វីថ្មីដែលអាចផ្តល់ទៅកាន់អ្នកគាំទ្រកាន់តែច្រើន។ គំនិតដែលនិយាយថា “គ្មានអ្វីដែលមានតម្លៃក្នុងការមើលស្ត្រីដែលមានអាយុលើសពី 30 ឆ្នាំ” គឺគួរឱ្យអស់សំណើចណាស់។
“មនុស្សម្នាបានយល់ឃើញថា មនុស្សស្រីកាន់តែសិចស៊ីកាន់តែចាស់ រៀនកាន់តែសម្បូរទៅដោយចរិតលក្ខណៈដែលស្អាតគួរឲ្យទាក់ទាញ ហើយមិនត្រឹមតែរាងកាយប៉ុណ្ណោះទេ ប៉ុន្តែទាំងចរិយាមាយាទផងដែរ។
Jennifer មិនទាន់មានគម្រោងចូលនិវត្តន៍ទេ ហើយ តារាចម្រៀងដែលរៀបការជាមួយតារាសម្ដែង Ben Affleck រូបនេះ បានពន្យល់ថា៖ “ខ្ញុំចង់ឃើញ ខ្លួនឯងធ្វើការ ដរាបណានៅចង់ ខ្ញុំមិនដឹងថាអាយុប៉ុន្មានទេ។ “ខ្ញុំអាចនឹងបន្តអាជីពសិល្បៈ ដល់វ័យ 70 អាច 80 និងអាចឈានដល់ អាយុ 90 ខ្ញុំមិនទាំន់ដឹងច្បាស់ទេ ប៉ុន្តែអាយុមិនមែនជាព្រំដែនកំណត់ សម្រាប់ខ្ញុំទេ”៕
