ការមកដល់ប្រទេសសិង្ហបុរីសម្រាប់ការសម្តែងក្នុងកម្មវិធី The Eras Tour របស់តារាចម្រៀង និងអ្នកនិពន្ធបទចម្រៀងជនជាតិអាមេរិក Taylor Swift បានជ្រើសរើស Capella Singapore លំដាប់ផ្កាយប្រាំ សម្រាប់ការស្នាក់នៅរបស់នាង ដោយបន្ថែមកិត្យានុភាពមួយផ្សេងទៀតដល់ការជ្រើសរើសកន្លែងស្នាក់នៅដ៏ខ្ពស់របស់នាងទូទាំងដំណើរទេសចរណ៍ពិភពលោករបស់នាង។
Capella Singapore ដែលបំបែកចេញពីផ្លូវដ៏មមាញឹករបស់ទីក្រុង និងព័ទ្ធជុំវិញដោយសមុទ្រ ជាកន្លែងសម្រាកដ៏ល្អសម្រាប់តារាល្បីៗ។ Capella Singapore ត្រូវបានហ៊ុមព័ទ្ធទៅដោយសួនច្បារ និងទីធ្លាឯកជន។ Capella Singapore មានបន្ទប់ជាង 112 បន្ទប់និងវីឡាដែលលាតសន្ធឹងលើផ្ទៃដីជាង 30 ហិចតានៃតំបន់ទេសភាពដ៏ស្ងប់ស្ងាត់ ដែលទាំងអស់នេះជាការលាយបញ្ចូលគ្នានៃប្រណីតភាពបែបទំនើប និងការរចនាបែបអាស៊ីបុរាណ ដែលរចនាដោយជនជាតិឥណ្ឌូនេស៊ី។
គួរឱ្យដឹងថា កន្លែងស្នាក់នៅលំដាប់ផ្កាយ 5 នេះត្រូវបានគេយកចិត្តទុកដាក់ជាទីតាំងសម្រាប់កិច្ចប្រជុំដ៏សំខាន់រវាងអតីតប្រធានាធិបតីសហរដ្ឋអាមេរិក Donald Trump និងមេដឹកនាំកំពូលកូរ៉េខាងជើងលោក Kim Jong-un ក្នុងឆ្នាំ 2018 ៕
